تحریک انصاف کے ایم این ایز نے خوشی سے استعفیٰے نہیں دئیے‘جاوید ہاشمی

انصاف کے منتخب صدر مخدوم جاوید ہاشمی نے کہا ہے کہ پاکستان تحریک انصا ف کے اراکین قومی اسمبلی نے اپنی مرضی اور خوشی سے استعفے نہیں دئیے بلکہ پارٹی دوباﺅ اور عمران خان کے حکم کے بعد ان کو مجبور کیاگیا کہ وہ استعفے دے دیں ۔ پاکستان کے مجلس شوریٰ (پارلیمنٹ کا مشترکہ اجلاس ) سے اپنے خطاب کے اختتام پر پاکستان تحریک انصاف کے منتخب صدر مخدوم جاوید ہاشمی کا کہنا تھا کہ پاکستان تحریک انصا ف کے اراکین قومی اسمبلی نے اپنی مرضی اور خوشی سے استعفے نہیں دئیے بلکہ پارٹی دوباﺅ اور عمران خان کے حکم کے بعد ان کو مجبور کیاگیا کہ وہ استعفے دے دیں انہوں نے کہا کہ میں نے اس وقت سچے دل سے استعفیٰ نہیں دیا تھا مگر آج میں سچے دل سے استعفیٰ دینے کا اعلان کرتا ہوں

چینی صدر کا دورہ ، تحریک انصاف اور عوامی تحریک کا اختلافات کو ایک طرف رکھ پر بطور قوم شاندار استقبال کرنیکی تجویز پیش کرنے کا فیصلہ

اسلام آباد (قدرت نیوز ) پاکستان تحریک انصاف اور پاکستان عوامی تحریک کی اعلی قیادت کی جانب سے حکومت کو چینی صدر کے دورہ پاکستان کے دوران مظاہرین کی جانب سے تمام اختلافات وقتی طور پر بالائے طاق رکھ کرمہمان صدر کا بطورایک پاکستانی قوم شاندار استقبال کرنے کی تجویز پیش کرنے کا فیصلہ کر لیاہے۔علامہ طاہر القادری اور عمران خان کے قریبی ذرائع کے مطابق ریڈ زون میں موجود انقلاب اور آزادی مارچ نے حکومت کو تجویز پیش کرنے کا فیصلہ کیا ہے کہ اگر چین کے صدرژی جنگ پنگ کی پاکستان آمد کے موقع پر حکومت سے ان کے معاملات طے نہیں پاتے اور ریڈ زون میں دھرناجاری رہتا ہے تو آزادی مارچ اور انقلاب مارچ میں شریک مظاہرین و قتی طور پر اپنی تمام تلخیاں ایک طرف رکھ کر بطورایک پاکستانی قوم چینی صدرکا استقبال پاکستان اور چین کی جھنڈیاں لے کر کریں گے اور اس موقع پر ریڈ زون کو نہ صرف مکمل طور پر صاف کریں گے بلکہ اس کو بھرپور طور پر سجایا بھی جائے گا، ذرائع نے دعوی کیا ہے کہ اس تجویز کو پیش کرتے ہوئے حکومت کو مکمل طور پر دونوں قائدین کی جانب سے بھرپور یقین دھانی کروائی جائے گی اور ضمانت دی جائے گی کہ چینی صدر کے اسلام آباد کے دورہ کے دوران مظاہرین کی جانب سے کسی قسم کا کوئی نا خوشگوار واقعہ رونما ء نہ ہو۔

پی ٹی وی پر حملہ میں دو گروپوں میں تصادم اور ایک دوسرے کے سر پھاڑنے کے انکشافات

اسلام آباد (قدرت نیوز) پی ٹی وی ہیڈ کواٹرز کی عمارت پر آزادی مارچ اور انقلاب مارچ کے شرکاء کی جانب سے حملہ اور توڑ پھوڑ کے دوران عمارت میں گھسنے والے مظاہرین کے آپس میں جھگڑ نے کا بھی انکشاف ہوا ہے حتی کہ توڑ پھوڑ کرنے والے مظاہرین نے روکنے والے مظاہرین کے سر پھاڑ دئے، مظاہرین کے بعد میں آنے والے ریلے میں موجود افراد مسلسل موبائل فون کے ذریعے کسی سے ہدایات لے رہے تھے۔ تفصیلات کے مطابق پاکستان ٹیلی ویژن ہیڈ کواٹرز کی عمار ت پر پیر کے روز ہونے والے حملہ کے دوران مظاہرین کے مختلف گروہ عمارت میں داخل ہوئے۔ عمارت میں دوسری منزل پر آنے والے مظاہرین کے ریلے کو پہلے آنے والے دو درجن مظاہرین نے روکنے، اوپر نہ آنے اور عمارت اور اشیاء کو نقصان نہ پہنچانے کی درخواست کی، تاہم دوسرے ریلے جس میں افراد کی تعداد زیادہ تھی نے روکنے ولے مظاہرین پر حملہ کر کہ بعض افراد کے سر کھول دئیے اورزبردستی اندر گھس کر توڑ پھوڑ کی۔ اس دوران مظاہرین میں موجود بعض مشکوک افراد اپنے موبائل فونز کے زریعے مسلسل نہ صرف کسی سے رابطہ میں تھے بلکہ مسلسل ہدایات لے رہے تھے۔

جاوید ہاشمی کا آن دی فلور استعفے دینا عملا وہ مستعفی ہوچکے ہیں ،فہمید ہ مرزا

الیکشن کمیشن 30 دن 45 دن ،60 دن یا 90 دن میں انتخابات کرانے کا پابند ہے ،سابق اسپیکر
اسلام آباد (آقدرت نیوز )پیپلزپارٹی کی رہنماء سابق اسپیکر قومی اسمبلی فہمید ہ مرزا نے کہا کہ جاوید ہاشمی کا آن دی فلور استعفے دینا عملا وہ مستعفی ہوگئے ہیں اور انکی رکنیت الیکشن کمیشن کے قوائد و ضوابط کے مطابق خالی تصو ر ہوگی ،ان خیالات کا اظہا انہوں نے گزشتہ روز ذرائع ابلاغ سے گفتگو کرتے ہوئے کیا ،سابق اسپیکر نے کہا کہ کوئی بھی رکن قومی اسمبلی اگر ایوان میں آکر آن دا فلو ر اپنے مستعفی ہونے کااعلان کرتا ہے کہ یا اسپیکر کو اس سلسلے میں تحریر ی طور پر مستعفی ہونے کی درخواست کرتا ہے تو وہ آئین پاکستان الیکشن کمیشن اور قومی اسمبلی کے قوائد وضوابط کے مطابق مستعفی تصورکیا جا تا ہے اور انکی نشست خالی ہوجاتی ہے جسے الیکشن کمیشن دوبارہ 30 دن 45 ،60 دن یا 90 دن میں انتخابات کرانے کا پابند ہوتا ہے